Ótken alty aıda ónerkásiptik ónimniń naqty kólem ındeksi 99,7% qurady

QR Statıstıka agenttiginiń málimetterine qaraǵanda, 2014 jylǵy qańtar-shildede 2013 jylǵy tıisti kezeńmen salystyrǵanda munaı, kómir men temir kenderi óndirisi tómendedi. Atap aıtqanda, 2014 jylǵy qańtar-shildesinde munaı men gaz kondensatynyń óndirilgen kólemi 46,7 mln. tonany qurap, byltyrmen salystyrǵanda 98,4 paıyzdy quraǵan. Al osy kezeńde elimizde óndirilgen benzın 1,7 mln. tonnany qurap, ótken jylǵa qaraǵanda 116,1 paıyzǵa jetti. Budan bólek, temeki ónimderiniń, hımııalyq ónerkásip ónimderiniń óndirisi qysqardy. Jalpy, tómendeý Aqtóbe, Atyraý, Qyzylorda, Pavlodar, Shyǵys Qazaqstan oblystarynda jáne Astana men Almaty qalalarynda tirkeldi. Sonymen birge, tabıǵı gaz, tústi metaldar kenderiniń óndirisi ósti. Sýsyndardyń, tamaq, munaı óńdeý ónimderiniń jáne portlandtsementtiń óndirisi joǵarylady. Ónerkásiptik ónimderdiń óndiris kólemderiniń ósýi respýblıkanyń 9 óńirinde baıqaldy.