Ótken alty aıda elimizde negizgi kapıtalǵa salynǵan ınvestıtsııalar kólemi 4,4 paıyzǵa artty
ASTANA. QazAqparat - 2015 jyldyń qańtar-maýsymynda negizgi kapıtalǵa salynǵan ınvestıtsııalar kólemi 2687,5 mlrd. teńgeni qurdy, bul 2014 jylǵy qańtar-maýsymǵa qaraǵanda 4,4 paıyzǵa artyq. Bul týraly Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Statıstıkalyq málimetterge qaraǵanda, 2015 jylǵy qańtar-maýsymda ónerkásip óndirisiniń kólemi qoldanystaǵy baǵalarda 6816,5 mlrd. teńgeni qurady. Al ken óndirý ónerkásibinde jáne karerlerdi qazýda óndiris kólemi 1,1 paıyzǵa, óńdeý ónerkásibinde 0,3 pa ıyzǵa artty. Elektrmen jabdyqtaý, gaz, bý berý jáne aýa baptaýda 1,4 paıyz, sýmen jabdyqtaýda, káriz júıesi, qaldyqtardy jınaý jáne bólýdi baqylaýda 9,8 paıyzǵa tómendegen.
Sonymen qatar, 2015 jylǵy qańtar-maýsymda aýyl sharýashylyǵy jalpy óniminiń kólemi 611,7 mlrd. teńgeni quraǵan, bul 2014 jylǵy qańtar-maýsymǵa qaraǵanda 3 paıyzǵa joǵary. Sonymen birge, esepti kezeńde «kólik» salasy boıynsha naqty kólem ındeksi 106,7%-dy qurasa, júk aınalymynyń kólemi 238,4 mlrd. tonna/shaqyrymdy qurap, 2014 jylǵy qańtar-maýsymmen salystyrǵanda 5,6 paıyzǵa kemigen. Al jolaýshylar aınalymynyń kólemi 121,7 mlrd. jol/shaqyrym qurap, 3,2% artqan.
Budan bólek, esepti kezeńde «saýda» salasy boıynsha naqty kólem ındeksi 102,1 paıyzdy qurady. Bul rette bólshek saýda kólemi 2790,5 mlrd. teńgeni qurap, byltyrǵy jylmen salystyrǵanda 2,9 paıyzǵa ósti. Al kóterme saýda kólemi 7120,8 mlrd. teńgeni qurap, 2014 jylǵy qańtar-maýsymmen salystyrǵanda 1,5% artty.
«2015 jylǵy qańtar-mamyrda syrtqy saýda aınalymy 32 mlrd. 592,7 mln. AQSh dollaryn qurap, 2014 jylǵy kańtar-mamyrmen salystyrǵanda 36,2% tómendedi, onyń ishinde eksport - 19 mlrd. 786,1 mln. dollaryn (44,4% az), ımport - 12 mlrd. 806,6 mln. AQSh dollaryn qurady (17,1% az) quraǵan», - delingen baspasóz baıanynda.
