Ótken alty aıda Astanada esirtkiniń zańsyz aınalymyna qatysty 79 azamat ákimshilik jaýapkershilikke tartyldy

Qazaqstannyń Bas Prokýratýrasynan málim etkendeı, esirtki zattaryn kópshilik oryndarda paıdalaný, ony saýdalaý oshaqtaryn anyqtaý jáne jolyn kesý maqsatynda Astana qalasynda «Astana - esirtkisiz qala» baǵdarlamasy júzege asyryla bastaǵan 2006 jyldyń qyrkúıeginen beri, qalalyq sot - 537 tulǵaǵa qatysty 537 ákimshilik isti qarady.

Olardyń ishinde, QR Ákimshilik quqyqbuzýshylyq týraly QR kodeksiniń 320-shy baby 1-shi tarmaǵy boıynsha esirtkilik zattardyń zańsyz aınalymyna qatysty - 533 is, quramynda esirtkisi bar ósimdikterdiń alqaptaryn tıisti kúzetpen qamtamasyz etpegeni úshin QR ÁQK-niń 319-shy baby boıynsha - 4 is qozǵaldy.

Al 2010 jyldyń sońǵy alty aıynda Astana qalasynyń arnaıylandyrylǵan aýdanaralyq ákimshilik soty men elordalyq prokýratýra qyzmetkerleri, esirtki zattaryn kópshilik oryndarda paıdalaný, ony saýdalaý oshaqtaryn anyqtaý jáne jolyn kesý boıynsha 79 tulǵany ákimshilik jaýakershilikke tartty. Onyń ishinde 43 is boıynsha tulǵalardan aıyppul óndirip alynsa, 36 tulǵaǵa qamaýǵa alý sharasy qoldanyldy.