Ótken aqpan aıynda Qazaqstanda kúnkóristiń eń tómengi deńgeıi 15 338 teńgeni qurady

QR Statıstıka agenttiginiń málimetterine súıensek, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıi 2011 jylǵy aqpanda onyń aldyńǵy aımen salystyrǵanda 4,7 paıyzǵa, 2010 jyldyń aqpanyna qaraǵanda 23,3 paıyzǵa ósti.

Onyń qurylymynda et pen balyqty satyp alýǵa jumsalǵan shyǵystardyń úlesi 19,3 paıyzdy, sút, toń maı ónimderi men jumyrtqa - 16,1 paıyzdy, jemister men kókónister - 13,7 paıyzdy, nan jáne jarma ónimderi - 8,1, qant, shaı men dámdeýishter - 2,8 paıyzdy qurady.

Kúnkóristiń eń tómengi deńgeıiniń (15 338 teńge) quramyndaǵy azyq-túlik taýarlardyń úlesi - 9203 teńgeni, azyq-túlik emes taýarlar men aqyly qyzmetter - 6135 teńgeni qurady.

Statıstıkalyq málimetterge sáıkes, aqpanda kúnkóristiń eń tómengi deńgeıi 13 jasqa deıingi balalarǵa 12 155 teńgeni, 14-17 jas aralyǵyndaǵy qyzdar men jigitterge - sáıkesinshe 14 808 jáne 19 327 teńgeni, 18 jastan joǵary eńbekke qabiletti halyq úshin, sonyń ishinde erlerge - 18 307 teńgeni, áıelderge - 14 535 teńgeni, zeınetkerler men qart adamdarǵa - 14 342 teńgeni qurady.