Ótken 8 jylda elimizdiń ekonomıkasyna 136,8 mlrd. dollar tikeleı sheteldik ınvestıtsııa tartylǵan
ASTANA. 3 aqpan. QazAqparat /Qanat Mámetqazyuly/ - QR Ulttyq bankiniń statıstıkalyq málimetterine qaraǵanda, 1993 jyldan 2011 jyldyń 30 maýsymyna deıin Qazaqstan ekonomıkasyna 136,8 mlrd. AQSh dollary somasynda tikeleı sheteldik ınvestıtsııa tartylǵan.
Bul týraly Indýstrııa jáne jańa tehnologııalar mınıstrliginiń taratqan aqparatynda aıtyldy.
Keltirilgen málimetterge qaraǵanda, 2011 jyldyń 9 aıynda Qazaqstan ekonomıkasyna shamamen 15,7 mlrd. dollar sheteldik ınvestıtsııa tartylǵan. Bul 2010 jylmen salystyrǵanda 17,2 paıyzǵa artyq kórsetkish. Osy kezeńdegi elimizdiń negizgi ınvestorlary Nıderlandy bolyp tabylady, atalǵan eldiń úlesinde 6,4 mlrd. dollar tıesili. Bul byltyrǵy jalpy ınvestıtsııanyń 40,6 paıyzyn quraıdy. Odan keıingi oryndarda Frantsııa - 1,1 mrld. dollar, Kanada - 946,5 mln. dollar, Qytaı - 814,9 mln. dollardy quraıdy.
Budan bólek, tikeleı sheteldik ınvestıtsııanyń aýqymdy aǵyny AQSh (658,9 mln. dollar), Ulybrıtanııa (602,5 mln. dollar), Reseı (547,7 mln. dollar) tarapynan baıqalady.
