Ótken 6 aıda gemorragııalyq bezgektiń 10 oqıǵasy anyqtaldy

Oǵan qosa, salmonellezben aýyrý kórsetkishi - 1,5 esege, saryppen aýyrý - 4,5 paıyzǵa, ótkir ishek ınfektsııasymen aýyrý 1,5 paıyzǵa ósken.

Densaýlyq saqtaý mınıstrliginiń baspasóz qyzmeti Sanıtarlyq-epıdemıologııalyq qadaǵalaý komıtetine silteme jasap osyndaı derekter keltirip otyr.

Sondaı-aq, ótken jartyjyldyqta ish súzegimen, leptospırozben, qyzamyqpen jáne qutyrmamen aýyrýdyń birdi-ekeli oqıǵalary tirkelgen.

Esesine, 2009 jyldyń sáıkes kezeńimen salystyrǵanda, tumaýmen aýyrǵandar -3,5 esege, tez taraıtyn parotıtpen aýyrǵandar - 46,8, menıngokokty ınfektsııamen aýyrǵandar -35,8 paıyzǵa, qyshymamen aýyrǵandar - 26,4 paıyzǵa, ótkir vırýstyq gepatıtpen aýyrǵandar -8,8 paıyzǵa, tynys joly týberkýlezimen aýyrǵandar 5,9 paıyzǵa tómendegen.

Birinshi jartyjyldyqta Qazaqstanda sirespe, oba, dońyz jáne qus tumaý, týlıaremııa, bezgek, polıomıelıt, delbe sııaqty jaǵdaılar múldem kezdesken joq.