Ótken 6 aıda elimizde óndirilgen elektr qýaty byltyrǵyǵa qaraǵanda 2,1 paıyzǵa artty
ASTANA. 16 shilde. QazAqparat - Qazaqstanda ótken 6 aıda elektr qýatyn óndirý 46,5 mlrd. kVt/saǵat qurady.
Bul ótken jylmen salystyrǵanda 2,1 paıyzǵa artyq. Sonymen birge, elektr qýatyn tutyný 45,1 mlrd. kVt/saǵat boldy, bul ótken jylmen salystyrǵanda 2 paıyzǵa tómen kórsetkish. Búgin Úkimet otyrysynda Indýstrııa jáne jańa tehnologııalar vıtse-mınıstri Baqytjan Jaqsalıev osylaı málim etti.
Sóz arasynda vıtse-mınıstr aldaǵy jylytý maýsymyna daıyndyq boıynsha monıtorıng júzege asyp jatqanyn aıtyp, jergilikti ákimdikterdiń nazaryn «dál qazirgi ýaqytta jylytý maýsymynda paıdalanylatyn otyn qoryn qurýǵa kirisý kerektigine» aýdardy.
«Aldaǵy kúzgi-qysqy jylytý maýsymyna daıyndyq úshin elektr stansalarynyń negizgi qondyrǵylaryn jóndeý jumystarynyń kestesi bekitildi. Soǵan sáıkes, 9 energobloktyń, 57 jylý qazandyqtary men 48 týrbınalardy kúrdeli jóndeý jumystary qarastyrylǵan», - dedi B. Jaqsalıev.
