Ótken 6 aıda aýyl sharýashylyǵy salasynda satylǵan ónimder baǵasynyń ındeksi 100 paıyzdy qurady
ASTANA. 9 shilde. QazAqparat - Aǵymdaǵy jyldyń alǵashqy jarty jyldyǵynda elimizdiń aýyl sharýashylyǵy salasynda satylǵan ónimder baǵasynyń ındeksi 100 paıyzdy qurady. Bul týraly Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, aǵymdaǵy jyldyń maýsym aıynda 2012 jyldyń jeltoqsan aıymen salystyrǵanda aýyl sharýashylyǵy taýar óndirýshilerimen satylǵan ósimdik sharýashylyǵy ónimderi 1,9 paıyzǵa qymbattaǵan. Kerisinshe, esepti kezeńde satylǵan mal sharýashylyǵy ónimderi 2,7 paıyzǵa arzandady.
Sonymen birge, aǵymdaǵy jyldyń qańtar-maýsym aralyǵynda elimizdiń naryǵynda arpa baǵasy 7,8 paıyzǵa, suly - 6,7 paıyzǵa, júgeri - 3,8 paıyzǵa, kúrish - 1,1 paıyzǵa, bıdaı - 0,7 paıyzǵa, qara bıdaı - 0,4 paıyzǵa qymbattady. Al baǵa qaraqumyq baǵasy 4,2 paıyzǵa jáne tary 1,5 paıyzǵa arzandaǵan.
Budan bólek, qyryqqabat baǵasy 13,9 paıyzǵa, kartop pen as qyzylshasy 6 paıyzǵa, sábiz 3,2 paıyzǵa, bas pııaz 2 paıyzǵa, kúnbaǵys pistesi 13,5 paıyzǵa, asburshaq - 8,7 paıyzǵa qymbattaǵan.
Al qoı eti 4,5 paıyzǵa joǵarylasa, iri qara mal men jylǵy eti 1,9 paıyzǵa qymbattap, kerisinshe qus eti 8,2 paıyzǵa, shoshqa eti 3 paıyzǵa arzandady. Jumyrtqa baǵasy 13,2 paıyzǵa, shıki sút 3,6 paıyzǵa, jún 0,3 paıyzǵa tómendegen.
