Ótken 6 aıda 1 mln. 337 myń ákimshilik quqyq buzýshylyq tirkeldi - Bas prokýratýra

ASTANA. 31 shilde. QazAqparat - Bas prokýratýranyń Quqyqtyq statıstıka jáne arnaıy esepke alý jónindegi komıtetiniń resmı statıstıkalyq esebine sáıkes, 2013 jyldyń 6 aıy ishinde 1 mln. 337 myń ákimshilik quqyq buzýshylyq tirkeldi.

2012 jyldyń 6 aıynda - 1 mln. 302 myń quqyq buzýshylyq tirkelgen bolsa, atalmysh kórsetkish 2,7 paıyz ósip otyr. Bul týraly QR Bas prokýratýrasynyń baspasóz qyzmetinen habarlandy.

Quqyq buzýshylyqty eń kóp tirkegen ishki ister organdary bolyp otyr. Atap aıtqanda, quqyq buzýshylyqtardyń 1 091 457-in nemese 81,6 paıyzyn osy organ tirkegen. Bul byltyrǵy jylǵy osyndaı kezeńmen salystyrǵanda 0,6 paıyzǵa artyq. Elimizdiń sottary 67 myń adamdy ákimshilik qamaýǵa alý jazasyna kesip, 30 myńnan astam quqyq buzýshylardy arnaıy kýáliginen aıyrǵan, al el sheginen alastatylǵandar sany eki esege kemip, 1800 adamdy quraǵan.

Osy ýaqyt ishinde ýákiletti organdar 39 mlrd. 862 mln. teńge somasyna 1 035 835 ákimshilik aıyppul salǵan (2012 jyldyń 6 aıynda - 1 077 811), onyń 16 mlrd. 190 mln. (14 mlrd. 236 mln.) teńgesi, ıaǵnı, 40,6 paıyzy (44,8 paıyz) óndirilgen.

Memlekettik organdar arasyndaǵy ákimshilik aıyppuldardy óndirýdiń neǵurlym joǵarǵy kórsetkishi ishki ister organdarynda bolyp otyr, olar 6 mlrd. 46 mln. 207 myń teńgeniń aıyppulyn salǵan jáne sonyń 3 mlrd. 680 mln. 946 myń teńgesi, ıaǵnı, 70 paıyzy óndirilgen.

Óndirýdiń tómengi kórsetkishi salyq organdarynda baıqalady. Olar salǵan 3 mlrd. 25 mln. 695 myń teńge aıyppuldyń 521 mln. 54 myń teńgesi, ıaǵnı, 17,2 paıyzy óndirilgen.