Ótken 4 aıda memlekettik satyp alý boıynsha 116 mlrd. teńgege qatysty zań talaptarynyń buzylýy joıyldy - B. Sultanov
ASTANA. QazAqparat - Aǵymdaǵy jyldyń 4 aıy ishinde 116 mlrd. teńge somasyndaǵy memlekettik satyp alý boıynsha buzýshylyqtar joıyldy. Parlament Májilisiniń jalpy otyrysynda 2015 jylǵy respýblıkalyq bıýdjettiń atqarylýy týraly Úkimet esebi boıynsha baıandaǵan Qarjy mınıstri Baqyt Sultanov osylaı málimdedi.
«Byltyrǵy bıýdjet boıynsha kiris bóligi naqtylanǵan josparmen salystyrǵanda 105,7 paıyzǵa oryndaldy. Biz salyqtyq rezervter, kórsetiletin qyzmetter men tekserýlerdiń sapasyn arttyrý, kiristerdi boljaýdy jetildirý men jalǵan kásipkerliktiń aldyn alý boıynsha jumystardy jalǵastyratyn bolamyz. Al shyǵystar 99,8 paıyzǵa oryndaldy. 2015 jyly 7 trıllıondyq bıýdjetten 16 mlrd. teńge ǵana oryndalmady, onyń ishinde ıgerilmeı qalǵany tek 7,8 mlrd. teńge. Bul joǵary deńgeıindegi nátıje deýge bolady jáne birlesken eńbektiń qortyndysy», - dedi Qarjy mınıstri.
Onyń aıtýynsha, shyǵystardyń mundaı rekordtyq joǵary ıgerilýine qaramastan tıimsiz atqarylý faktileri de saqtalyp otyr. Esep komıtetiniń derekteri boıynsha olar 459 mlrd.teńgeni quraıdy.
«Jalpy, memlekettik aýdıtke kóshý, memlekettik satyp alýdyń josparlaýy jáne monıtorıngileý jańa tásilderin engizý, kvazımemlekettik sektor sýbektileriniń shottaryndaǵy somalar qaldyqtarynyń azaıtý jáne basqada sharalardy qoldaný tıimsiz shyǵystardyń kólemin tómendetýge áser etedi dep oılaımyz. Jalpy, qarjy buzýshylyqtar tsıfrlary boıynsha kóptegen suraqtar boldy. Aǵymdaǵy jyly Qarjylyq baqylaý komıteti Іshki memlekettik aýdıt komıtetine qaıta qurylǵan bolatyn. Endi Komıtettiń fýnktsııalary aldyn alýǵa baǵyttalatyn bolady. Osy jýmystyń nátejesinde aǵymdaǵy jyldyń 4 aıy ishinde 116 mlrd. teńge somasyndaǵy memlekettik satyp alý boıynsha zań talaptarynyń buzýy joıyldy»,- dedi mınıstr B. Sultanov.
