Ótken 20 jylda agroónerkásip kesheni salasyn damytýǵa qatysty 20 zańnamalyq aktiler qabyldandy
TANA. 30 qarasha. QazAqparat /Qanat Mámetqazyuly/ - Táýelsizdiktiń 20 jylynda elimizdiń agroónerkásip keshenin damytýǵa qatysty 20 zańnamalyq akti qabyldandy.
Onyń ishinde 3 kodeks pen 17 zań bar. 378 zańǵa táýeldi aktiler de qabyldandy. Búgin QR Parlamenti Senaty depýtattarymen kezdesýi barysynda Aýyl sharýashylyǵy mınıstri Asyljan Mamytbekov osylaı málim etti.
Vedomstvo basshysynyń aıtýynsha, 2006-2011 jyldar aralyǵynda mınıstrlik óz quzyreti sheńberinde kóptegen zańdardy qabyldaýǵa qatysty. Bunyń ishinde 5 zań kásipkerlik qaýymdastyq úshin asa mańyzdy bolyp tabylady. Bul rette zańnamalar boıynsha memlekettik basqarýdyń ártúrli deńgeıleriniń arasyndaǵy ókilettikterdi arajigi naqty ajyratylyp, kásipkerlerge ákimshilik aýyrtpashylyq azaıtylǵan. Tekseris rásimderi de birizdendirilip, qaıtalanatyn ruqsat berý qujattary alynyp tastalǵan.
«Osylaısha, 20 jyldyq kezeńde aýyl sharýashylyǵy ónerkásibi keshenin damytýǵa arnalǵan zańnamalyq negiz qalyptasty. Sonymen qatar, bizdiń mınıstrlik osynaý mańyzdy salany odan ári zańnamalyq jetildirýdi josparlap ta otyr», - deıdi A. Mamytbekov.
