Ótken 11 aıda munaı men gaz kondensatynyń eksporty 65,4 mln. tonnany qurady
ASTANA. 22 jeltoqsan. QazAqparat /Qanat Mámetqazyuly/ - Qazaqstanda 2011 jyldyń 11 aıy ishinde, aldyn ala derekter boıynsha, munaı jáne gaz kondensaty eksportynyń kólemi 65,4 mln. tonnany qurady.
Bul byltyrǵy kórsetkishpen salystyrǵanda 100,6 paıyzdy quraıdy.
«Munaı jáne gaz aqparattyq taldaý ortalyǵy» AQ derekterine súıensek, munaı men gaz kondensatynyń eksporty Atyraý - Samara baǵyty boıynsha 14125,7 myń tonnany quraǵan, bul 92,3 paıyzǵa teń. Al Orynbor GÓZ-i (kondensat) - 1113,5 myń tonna (55,8 paıyz), KQK baǵytynda - 25904,3 myń tonna (91,1 paıyz), Atasý - Alashankoý - 10090,7 myń tonna (99,9 paıyz) deńgeıinde eksporttaý júzege asqan.
Budan bólek, ónim eksporty Aqtaý teńiz porty arqyly - 7384,3 myń tonna (77,9 paıyz) qurasa, temirjol arqyly 6782,2 myń tonna (124,4 paıyz) tasymaldanǵan.
