Otyrǵyzylǵan 120 mln aǵash qýrap qaldy – depýtat dabyl qaqty
Senat depýtaty Nurlan Bekenov Qazaqstan aýmaqtaryn kógaldandyrý qarqyny tómen dep sanaıdy. Bul turǵyda ol Ekologııa jáne tabıǵı resýrstar mınıstri Erlan Nysanbaevtyń atyna depýtattyq saýal joldady, dep habarlaıdy Kazinform.
Senator Memleket basshysynyń tapsyrmasyna sáıkes 2025 jylǵa deıin búkil elimiz boıynsha 2 mlrd aǵash otyrǵyzý qajet ekenin atap ótti. Máselen, 2021 jyly 138 mln aǵash, 2022 jyly 280 mln dana aǵash otyrǵyzyldy, al bıyl 409 mln aǵash otyrǵyzý josparlanǵan. Alaıda, depýtat kóshetterdiń ary qaraı tamyr jaıyp ketý kórsetkishi 70 paıyz shamasynda dep alańdap otyr. ıAǵnı árbir úshinshi buta tamyr jaıa almaı, qýrap qalady.
«Osy rette, 409 mıllıon kóshettiń kem degende 120 mıllıony tamyr jaıa almaıdy. Bul bıýdjet qarjysyn tıimsiz jumsaý ekeni belgili bolyp otyr. Sondyqtan bıýdjet shyǵynyn azaıtý kerek. Ósimdikterdiń tirshiligine baqylaý jáne taldaý nege júrgizilmeı jatyr? Monıtorınginiń, ósimdikterge kútim jasaýdyń jáne sýarýdyń zamanaýı júıesi nege ornatylmaǵan? Bıýdjet qarajatyn tıimsiz jumsaǵany úshin jaýapkershilik qaıda?», – dep surady N. Bekenov.
Budan bólek senator aǵashtardy kesý, qasaqana ot qoıý, sondaı-aq ormandy jerlerdi zańsyz basyp alý jáne paıdalaný, orman alqaptarynda úıler men basqa da qurylystardy salý problemasyna nazar aýdardy. Sondyqtan ol ormandar men kýrorttyq aımaqtardaǵy barlyq ǵımarattar men qurylystardy tekserýdi usyndy.
«Ósimdikter men aǵashtardy ósirý, sondaı-aq olarǵa kútim jasaý tásilderin qaıta qaraý kerek dep sanaımyn. Kóshet otyrǵyzatyn merdigerlik uıymdarǵa aǵashtardy odan ári mindetti túrde kútip-baptaý men jaı-kúıine monıtorıng jasaý jáne ol týraly esep berý tártibi bekitilsin. Bul mindet qyzmet kórsetý shartynda kórsetilip, olardy oryndamaǵany úshin jaýapkershilik týraly talappen birge jazylýy kerek», – dedi senator.
Eske sala ketsek, Prezıdent Q. Toqaev 2020 jylǵy Qazaqstan halqyna Joldaýynda 5 jylda 2 mlrd túp aǵash otyrǵyzý týraly tapsyrma bergen bolatyn.
