Otyrarda qysh sheberleriniń halyqaralyq jármeńkesi ótti
ASTANA. KAZINFORM — Túrkistan oblysynda «Uly Jibek joly boıyndaǵy keramıka óndirisi: dástúr, tehnologııa jáne jańǵyrý» taqyrybynda qysh sheberleriniń halyqaralyq jármeńkesi ótti.
Іs-sharaǵa jergilikti atqarýshy organdardyń ókilderi, mádenıet mekemeleriniń basshylary, óńirlerden jáne shet memleketterden kelgen qysh sheberleri qatysty.
Baǵdarlama aıasynda qysh buıymdaryn daıyndaýdyń dástúrli tehnologııalary boıynsha sheberlik sabaqtary ótti.
Qatysýshylar kásibı tájirıbe almasyp, óz jumystarynda qoldanatyn ádis-tásilderdi kórsetti. Budan bólek, olar óz qoldarynan shyqqan buıymdardy «Otyrar» memlekettik arheologııalyq mýzeı-qoryǵynyń qoryna tabystady.
Mádenıet jáne aqparat mınıstrligi málimetinshe, jármeńke qysh óneriniń dástúrin saqtaýǵa, sheberlerdiń kásibı biligin jetildirýge jáne halyqaralyq mádenı baılanysty nyǵaıtýǵa baǵyttaldy.
Aıta keteıik, Qazaqstannyń arheologııalyq jádigerleri Parıjdegi kórmege qoıylady.
