Otynshıev ustalǵan soń, QTJ jumysy qalaı júrip jatyr

ASTANA. KAZINFORM – «Qazaqstan temir joly» ulttyq kompanııasy shtattyq rejımde jumys istep jatqanyn jáne poıyzdar qozǵalysy tolyq kólemde qamtamasyz etilgenin habarlady.

QTJ
Kollaj: Kazinform / 365info.kz / Rail-news.kz

Kompanııa málimetinshe, jolaýshylar men júk tasymaly úzdiksiz júzege asyrylyp jatyr.

– Tasymaldaý protsesi úzdiksiz júzege asyrylyp, jolaýshylar men júk poıyzdarynyń qozǵalysy tolyq kólemde qamtamasyz etiledi. Qozǵalys qaýipsizdigi jáne tasymaldaý kestesiniń oryndalýy únemi baqylaýda. Kompanııanyń jolaýshylar men klıentter aldyndaǵy barlyq mindettemeleri tolyq kólemde oryndalady, – delingen QTJ habarlamasynda.

Ulttyq kompanııa tasymaldaý protsesi qalypty tártippen jalǵasyp jatqanyn málimdedi.

Aıta keteıik, buǵan deıin Ulttyq qaýipsizdik komıteti «Qazaqstan temir joly» UK» AQ basqarma tóraǵasy Eljas Otynshıev pen «Samuryq-Qazyna» AQ basqarma tóraǵasy Nurlan Jaqypovtyń sybaılas jemqorlyq qylmysyn jasady degen kúdikpen ustalǵanyn rastaǵan bolatyn.

Olar 11 qarashada ustalǵan. Qazirgi ýaqytta tergeý amaldary júrgizilip jatyr.