Otyn baǵasynyń kúrt ósýine baılanysty AQSh-qa ushatyn reıster qysqartylady
ASTANA. KAZINFORM — Air Canada áýe kompanııasy Iranda soǵys bastalǵaly avıaotyn baǵasynyń kúrt ósýine baılanysty AQSh-qa ushatyn keıbir reısterdi birneshe aıǵa toqtatatynyn jarııalady, dep habarlaıdy FOX Business.
Reısterdi qysqartý osy jazda qarastyrylǵan jáne kem degende bes aı jalǵasady. Bul Nıý-Iorktegi Djon Kennedı atyndaǵy halyqaralyq áýejaı (JFK) jáne ıÝta shtatyndaǵy Solt-Leık-Sıtı halyqaralyq áýejaıyndaǵy (SLC) barlyq reısterge qatysty boldy.
— Iranda qaqtyǵys bastalǵaly avıaotyn baǵasy eki ese ósti, bul endi ekonomıkalyq turǵydan qolaısyz keıbir tıimdi emes baǵyttar men reısterge áser etti. Osyǵan baılanysty kestege ózgerister engizilip, sonyń ishinde reıster sany azaıyp jatyr, — delingen áýe kompanııanyń málimdemesinde.
Air Canada bul ózgerister 2026 jyly jalpy jyldyq tasymaldyń shamamen 1%-yna ǵana áser etetinin málimdedi.
Airlines for America málimetinshe, juma kúni avıaotyn baǵasy 3,79 dollarǵa deıin ósti, bul 27 aqpanda Irandaǵy soǵysqa deıingi baǵadan 50%-dan astamǵa joǵary.
Amerıkalyq birneshe áýe kompanııa avıaotyn baǵasynyń ósýin óteý úshin shyǵyndardy qysqartý boıynsha jańa sharalar engizdi. Osylaısha, JetBlue, Southwest, American jáne United Airlines tirkelgen júk tólemaqysyn kóterdi.
Eske salsaq, Tegeran AQSh-pen kelissózderdiń ekinshi raýndyna qatyspaıtynyn málimdedi.
