Ótelmeı jatqan jalaqylaryn talap etip qoǵamdyq tártipti buzǵan qurylysshylar 15 táýlikke qamalýtsy múmkin - ІІD
ASTANA. Maýsymnyń 8-i. QazAqparat /Jasulan Amanbaıuly/ - Keshe, maýsymnyń 7-si kúni Astanada qurylys kranynyń basyna shyǵyp, ótelmeı jatqan jalaqylaryn talap etken «ABK qurylys-2» kompanııasynyń jumysshylary 15 táýlikke qamalýy múmkin.
Bul týraly búgin brıfıng barysynda Astana qalalyq ІІD-niń Qoǵamdyq qaýipsizdik basqarmasynyń bastyǵy Batyrlan Esenbaı málim etti, dep habarlaıdy QazAqparat.
Zańsyz narazylyq aktsııasyn uıymdastyryp, qoǵamdyq tártipti buzǵan «ereýil» belsendilerin keshe polıtsııa qyzmetkerleri ustaǵan bolatyn.
«Atalmysh oqıǵa boıynsha, qurylysshylarǵa qatysty ákimshilik is qozǵaldy. Іs ábden tekserilgennen keıin sotqa jiberiledi. Olarǵa sot 15 táýlikke deıin qamaýǵa alý týraly nemese 50 aılyq eseptik kórsetkish kóleminde aıyppul salý jóninde sheshim shyǵarýy múmkin», dep atap kórsetti B. Esenbaı.
Onyń aıtýynsha, birer apta buryn osyǵan uqsas taǵy bir oqıǵa oryn alǵan kórinedi. Sol fakti boıynsha, sot quqyq buzýshyny 2 táýlikke qamaýǵa alý týraly sheshim shyǵarǵan.
