Óte tynymsyz balanyń jaqsy oqýy úshin onyń betinen qaqpaý kerek - ǵylymı dálel
ASTANA. QazAqparat - Tynymsyz balalarǵa jyly qabaq tanytyp, kóp kóńil bólý qajet. Ondaı balalar ádette alańǵasar, erke bolyp, basqaralarmen aralasa almaı, jıi shettetý kóredi.. Oǵan qyzdarǵa qaraǵanda ul balalar kóp shaldyǵady, dep jazady meddaily.ru.
Florıda ýnıversıtetiniń zertteýshileri 8-12 jas aralyǵyndaǵy 52 ul balanyń qatystyryp, arnaıy ǵylymı synaq ótkizedi. Sonyń ishinde, 29 bala mektepte tynymsyzdyǵymen aty shyǵyp úlgergen. Ǵalymdar ol balalarǵa dene qımylyna qatysty kóp tapsyrma berip, oqý baǵdarlamasy boıynsha sabaqtardy daıyndaýǵa mindetteıdi. Ǵalymdar balalardy baqylap, tájirıbeni beınetaspaǵa jazyp alǵan. Tapsyrmalardy oryndaý kezinde kóp qımyldaǵan tynymsyz balalar tynysh otyrǵan balalardan góri sabaqty jaqsy oryndaǵan. Ǵalymdar ondaı balalardyń bilim alýy úshin qozǵalys qajet, tymsyzdyǵy úshin betinen qaqpaý qajet, degen qorytyndy shyǵardy. Dene qozǵalysy osyndaı balalarǵa aqparatty qabyldap, bilim alýyna yqpal etedi eken.
