Óte kúshti Doksýrı taıfýny Fılıppınge jetti
MANILA. QazAqparat – Búgin Fılıppınniń soltústigine tóngen qýatty Doksýrı taıfýny men sodan bolǵan jel men nóser jaýyn saldarynan bir adam qaza tapty. Apat saldarynan myńdaǵan adamdar jaryqsyz qaldy, dep habarlaıdy QazAqparat Reuters agenttigine silteme jasap.
Jaǵalaýǵa jaqyn mańdaǵy aýyl turǵyndary taıfýnǵa deıin qaýipsiz jerlerge evakýatsııalanǵan bolatyn.
Taıfýn kezinde jeldiń jyldamdyǵy saǵatyna 175 shaqyrymǵa jetti. Boljam boıynsha, taıfýn kúshin saqtap, juma kúni tańerteń Qytaıdyń jaǵalaýdaǵy provıntsııalaryna jetedi.
Shildede rekordtyq deńgeıge deıin kóterilgen aýa temperatýrasy álemde beıbereketsizdik týdyryp, AQSh pen Jerorta teńizinde orman órtteri tutandy. Ǵalymdardyń pikirinshe, jahandyq jylyný daýyldardyń kúsheıýine sebep bolady.
Fılıppınde bir adam Rızal provıntsııasynda sýǵa batyp ketti, dep habarlady ulttyq tótenshe jaǵdaılar agenttigi. Fılıppın jaǵalaý kúzetiniń dereginshe, elde qozǵalys toqtaǵannan keıin 4000-nan astam adam porttarda qalyp qalǵan.
Qytaı ońtústigindegi Gýandýn provıntsııasyna 17 shildede Talım taıfýny tóngennen keıin eki apta ótpeı jatyp Doksýrı taıfýny ekinshi ret qurlyqtyq Qytaıǵa jetpek.
