Otbasynyń tabysy balanyń IQ deńgeıine qalaı áser etedi?
ASTANA. QazAqparat - Amerıkada Balalar densaýlyǵy jáne adamdy damytý ulttyq ınstıtýtyndaǵy ǵalymdar toby otbasynyń tabysy balanyń IQ deńgeıine tikeleı áser etetini týraly tujyrymǵa keldi. Sarapshylardyń pikirinshe, otbasy neǵurlym aýqatty bolsa, ondaǵy balalardyń aqyl-oıy soǵurlym joǵary bolady, dep jazady Rosbalt.
Zertteýshiler 50 myńnan balany zerttedi. Qorytyndylar shyǵarý úshin, balalardy túrli jasta - tórt aıda, bir jasta jáne jeti jasta úsh nevrologııalyq zertteýden ótkizýge týra keldi.
Balalardy zertteý úshin, ǵalymdar ul jáne qyz balalardy ata-analarynyń kirisine baılanysty úsh topqa bóldi - tabysy tómen, ortasha jáne joǵary otbasylardyń balalary bólek-bólek toptastyryldy.
Týǵan kezde balalardyń nevrologııalyq jaǵdaıy bir-birinen esh erekshelenbeıdi. Ǵalymdar túrli toptardaǵy balalardyń birinshi aıyrmashylyǵyn tórt aıynda anyqtady. Aıyrmashylyqqa tamaqtaný, oıyn-saýyq, gıgıena sapasy áser etýi múmkin.
Balalardyń jasy ulǵaıǵan saıyn aıyrmashylyq qatty baıqaldy. Jeti jasqa qaraı kedeı otbasynan shyqqan árbir besinshi balanyń nevrologııalyq aýytqýlary boldy. Budan basqa, kedeı otbasylarda áıelderdiń balalardyń densaýlyǵyna áser etetin zııandy ádetteri bolǵan.
