Otbasynyń tsıfrlyq kartasyn bıyl iske qosý kerek - Qasym-Jomart Toqaev

NUR-SULTAN. QazAqparat – Memleket basshysy Qasym-Jomart Toqaev Úkimetke jyl sońyna deıin Otbasynyń tsıfrlyq kartasyn iske qosýdy tapsyrdy, dep habarlaıdy QazAqparat tilshisi.

«Halyqtyń áleýmettik az qamtylǵan tobyna qoldaý kórsetý óte mańyzdy. Úkimet áleýmettik qoldaýdyń proaktıvti formatyna kóshýi, ony barynsha ataýly jasaýy tıis», - dedi Qazaqstan Prezıdenti búgin Úkimettiń keńeıtilgen otyrysynda.

Memleket basshysynyń atap ótýinshe, Otbasynyń áleýmettik kartasyn kóńilge qonymdy jasap, shynaıy iske asyrý óte mańyzdy.

«Jobanyń bastapqy tujyrymdamasy ony ázirleýge birneshe vedomstvonyń qatysýyna baılanysty san márte ózgeriske ushyraǵan bolatyn. Úkimetke jyldyń sońyna deıin Otbasynyń tsıfrlyq kartasyn iske qosýdy jáne «Áleýmettik ámııandy» engizýdi tapsyramyn», - Qasym-Jomart Toqaev.