Otbasyndaǵy berekeni saqtap qalýdyń eń tıimdi ári eń qarapaıym amaly
ASTANA. QazAqparat - AQSh-tyń Djordjıı ýnıversıtetiniń ǵalymdary jaryna alǵys aıtyp otyrý - otbasylyq qatynasty retteýdiń eń tıimdi amaly ekendigin aıtty. Olar 468 nekedegi adamnyń qatysýymen ótken zertteýden keıin osyndaı tujyrym jasaǵan.
Olar zertteýge qatysýshylar jaıly tolyq derek jınaǵan. Olardyń qarjylyq jaǵdaıyn, otbasyndaǵy qarym-qatynasynyń erekshelikterin, qanshalyqty jıi bir-birine alǵys aıtatyndyǵyn túbegeıli zerttegen.
«Biz jarynyń ózin baǵalaıtynyn, qymbat jan tutanyn sezingen adam otbasynda berekeni saqtaýǵa qatty tyrysatynyn baıqadyq. Tipti januıa qıyn kezeńdi bastan keshirip jatsa da, óz zaıybyna degen rızashylyq sezimi olardy bul tyǵyryqtan ońaı alyp shyǵady», - deıdi zertteýshilerdiń biri Ted Fýtrıs.
Ǵalymdar qarapaıym «rahmet» sózin jıi aıtý negatıvti sezimderdi joıýǵa sebep bolatynyn aıtady. Olar sondaı-aq berik nekeni álsiz nekeden ajyratyp turatyn nárse - erli-zaıyptylardyń kúndelikti bir-birimen qatynasynda kórinis tabatyn qurmet sezimi ekenin málimdedi, dep jazady Dnı.Rý.
