Otbasynda janjal shyǵarǵan maskúnemderdi qamaý merzimi uzartylmaq
ASTANA. QazAqparat - Endi otbasynda janjal kóteretin maskúnemderdi qamaýda ustaý ýaqyty 24 saǵatqa sozylady. Bul týraly Májiliste «QR Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobasyn tanystyrǵannan keıin QR Іshki ister vıtse-mınıstri Erlan Turǵymbaev málim etti, dep habarlaıdy QazAqparat.
«Otbasylyq-turmystyq qatynastar turysynda oryn alatyn ákimshilik quqyq buzýshylyqtar boıynsha ishki ister organdarynda 3 saǵattyń ornyna 24 saǵat qamaýda ustaý usynylyp otyr. Búginde otbasynda jaljal shyǵaratyndar balalary úshinde qater tóndiredi. Mysaly, bizge ishimdikke masaıǵan kúıeýiniń áreketine áıeli shaǵymdanǵannan keıin, biz bul janjaldy ishki ister ister organdaryna jetkizemiz. Alaıda úsh saǵattan keıin biz ony úıine jiberýge májbúrmiz. Sonymen qatar oǵan aıyppul salynady. Biraq ta bul otaǵasy jumys istemeıtin ári ishimdikke salynǵan adam bolsa, onda bul aýyrtpalyq taǵy da bala-shaǵasynyń moıyna túsedi. Sondyqtan ákimshilik qamaýǵa alý sharasy usynylyp, osy bap boıynsha 24 saǵatqa deıin ishki ister organdarynda ustaý eskerilgen», - dedi mınıstrdiń orynbasary.
Erlan Turǵymbaev osy tártippen qamaýda ustaý, ıaǵnı ýaqyt merzimin 3- ten 24 saǵatqa deıin uzartý maskúnemniń kórshilerine, otbasyna qaýip tóndirmeýine qajetti qadam bolyp tur.
«Óıtkeni úsh saǵattan keıin bosatylǵan osyndaı adamdar kóbinese ishimdikten aıyqpaıdy jáne úıine barǵan kezde bala-shaǵasynyń mazasyn alady», - dedi E. Turǵymbaev.
Sonymen qatar ol Іshki ister mınıstrligi atalǵan quqyq buzýshylyq turǵysynda qamaýda ustaýdy 48 saǵatqa deıin uzartýdy usynǵanyn atap ótti. Alaıda jumys tobynyń sheshimimen zań jobasyna 24 saǵat engizildi.
«Qazirgi kezde usynylǵan merzim áli de talqylanady», - dedi vıtse-mınıstr.
