Otbasynda zardap shekken 7,5 myń áıel daǵdarys ortalyqtaryna ornalastyryldy - mınıstr
«Memleket basshysynyń tapsyrmasyna sáıkes jábirlenýshimen jumysty uıymdastyrý tásilderi qaıta qaraldy. Áıel-tergeýshilerdiń mamandyǵy engizildi. Áıelderdi zorlyq-zombylyqtan qorǵaý jónindegi ınspektorlarǵa erekshe kóńil bólinip jatyr. Іshki rezerv esebinen olardyń sany eki esege kóbeıtildi. Endi mundaı laýazymdar árbir aýdandyq polıtsııa bólimshesinde bar. Jalpy, bul baǵytta mınıstrlik 50 úkimettik emes uıymmen tyǵyz qarym-qatynasta jumys jasaıdy», - dedi ol.
Mınıstrdiń aıtýynsha, zardap shekkenderdi áleýmettik ońaltýǵa 57 daǵdarys ortalyǵy kómek kórsetedi.
«Bıyl polıtsııa ómirlik qıyn jaǵdaıǵa tap bolǵan 7,5 myńnan astam áıeldi osy ortalyqtarǵa jiberdi. Olardyń 2 myńnan astamy baspanaǵa ornalasty. Degenmen, ortalyqtardyń sany jetkiliksiz. Mysaly, Shymkentte polıtsııaǵa turmystyq zorlyq-zombylyq boıynsha 11 myń habarlama kelip túsken. Al, ol jerde tek bir ǵana daǵdarys ortalyǵy bar. Atyraý men Soltústik Qazaqstan oblystarynda da uqsas jaǵdaı. Abaı jáne Qyzylorda oblystarynda mundaı ortalyq múldem joq», - dedi Marat Ahmetjanov.
Vedomstvo basshysynyń aıtýyna qaraǵanda, ákimdikter óńirlerde ortalyqtardyń jumysyn uıymdastyrýdy jáne osy baǵytta memlekettik áleýmettik tapsyrysty ulǵaıtý máselesin qolǵa alý kerek.
Buǵan deıin mınıstr bıyl otbasylyq-turmystyq salada 668 qylmys jasalǵanyn aıtty.
