Otbasyna zábir kórsetip kelgen 2,5 myń qazaqstandyq esepke qoıyldy
«Quqyq qorǵaý organdary qyzmetiniń basym baǵyttarynyń biri - turmystyq zorlyq-zombylyqpen kúres. Turmystyq zorlyq-zombylyqtyń týyndaýyna jıi ákelip soǵatyn sebep turmystyq jaǵdaıdyń nasharlyǵy men quqyqtyq saýattylyqtyń tómendigi. Memleket basshysy atalǵan problemany joıý maqsatynda tıimdi shara qoldanýdy tapsyrdy. Osy oraıda ishki ister mınıstrligi «Turmys» jedel profılaktıkalyq sharasyn ótkizdi. Jergilikti ákimdik, bilim berý, densaýlyq saqtaý uıymdary men áleýmettik mekemelerdiń senim telefony iske qosyldy. Nátıjesinde 800 turmysy nashar otbasy anyqtalyp, turmystyq zorlyq-zombylyqqa beıim 2,5 myń adam esepke alyndy», - dedi QR ІІM ókili Shuǵyla Turlybek onlaın ótken baspasóz máslıhatynda.
ІІM usynǵan málimetke súıensek, atalǵan shara barysynda 14 quqyq buzýshy ákimshilik jaýap tartyldy.
Onyń ishinde kúsh kórsetý, bala tárbıesine nemquraıly qaraý jáne ishimdik ishý jaıttary bar.
«400 azamattan qolhat alyndy. Odan bólek, otbasylyq zorlyq-zombylyqqa qatysty 400 is sotqa jiberildi. Sonymen qatar zorlyq kórgen jáne zardap shekken jandarǵa psıhologııalyq-áleýmettik kómek qoldaý kórsetildi. Osyǵan oraı azamattardan zorlyq-zombylyqqa jol bermeýge jáne oǵan tózbeýge shaqyrady», - deıdi ol.
