Otbasyna qaıtalap zábir kórsetkender 25 táýlikke deıin qamalady

NUR-SULTAN. QazAqparat – Zańnamaǵa «otbasy-turmystyq qatynastaǵy adamǵa qatysty zorlyq-zombylyq» degen uǵym engiziledi, dep habarlaıdy QazAqparat tilshisi.

Bul týraly Úkimet otyrysynda Іshki ister mınıstri Marat Ahmetjanov málim etti.

«Otbasylyq-turmystyq saladaǵy zorlyq-zombylyq úshin jaýapkershilikti qatańdatý baǵytynda qylmystyq quqyq buzýshylyqtar sanatyna «otbasy-turmystyq qatynastaǵy adamǵa qatysty» degen qosymsha saralaýdy engizý qajet», - dedi mınıstr.

Aıtýynsha, otbasyna zábir kórsetken adamǵa qoldanylatyn ákimshilik jazanyń merzimi uzartylmaq.

«Osyndaı qylmys boıynsha qamaýǵa alý merziminiń tómengi shegin 5 táýlikten belgileý, sondaı-aq qaıtalanǵan jaǵdaıda qamaýǵa alý merzimin 25 táýlikke deıin (buǵan deıin 20 táýlik bolan) ulǵaıtý josparlanýda», - dedi Marat Ahmetjanov.