Otbasymdy oılaǵandyqtan da vaktsına saldyrdym – polıtseı
ORAL. QazAqparat – Otbasymdy oılaǵandyqtan da vaktsına saldyrdym. Bul týraly Oral qalasynda turatyn ýchaskelik polıtsııa ınspektory, polıtsııa maıory Álnur Muhametıarov málim etti, dep habarlaıdy QazAqparat tilshisi.
Onyń aıtýynsha, búgin №4 qalalyq emhanada vaktsınanyń ekinshi komponentin qabyldaǵan.
Birinshi komponentin saldyrǵan kezde de densaýlyǵy qalypty bolǵan.
Álnur Bókenbaıuly ózin jaqsy sezinetinin jetkizdi. Ol M.Ótemisov atyndaǵy Batys Qazaqstan ýnıversıtetin zańgerlik mamandyǵy boıynsha bitirgennen keıin 2008 jyldan beri osy salada qyzmet atqaryp keledi eken. Qazir «Qurylysshy» shaǵynaýdanyndaǵy №15 ýchaskelik pýnktte.
«Bizdiń jumysymyz halyqpen baılanysty. Qyzmet babyna baılanysty túrli jerlerge baryp, adamdarmen jolyǵýǵa týra keledi. Sondyqtan indet juqtyrmaý úshin osyndaı qadamǵa bardym. Onyń ústine otbasymda ata-anam birge turady. Zaıybym, úsh balam bar. Olardyń da densaýlyǵyn oılaý kerek. Shyny kerek, áleýmettik jeli arqyly vaktsınatsııaǵa qatysty neshe túrli alypqashty áńgime kelip jatyr. Men oǵan senbeımin. Ekpe salý eń aldymen óziń jáne otbasyń qaýipsiz bolýy úshin qajet dep oılaımyn», dedi QazAqparat tilshisine Á.Muhametıarov.
Eske sala keteıik, budan buryn Batys Qazaqstanda 3 myńnan astam medqyzmetkerdiń koronavırýs ekpesin saldyrǵanyn, sońǵy aptada indet juqtyrý deńgeıi 20,5 paıyzǵa óskenin jazǵan bolatynbyz.
