Otbasylyq jáne genderlik saıasat tujyrymdamasyna ózgerister engiziledi
«Kelesi baǵyt – Otbasylyq jáne genderlik saıasat tujyrymdamasyna ózgerister engizý. Birinshiden, tujyrymdama memlekettik josparlaý júıesiniń talaptaryna saı keltiriledi jáne áıelderdi qoǵamdyq-ekonomıkalyq, saıası ustanymdarda qamtamasyz etý, sondaı-aq otbasynyń ómir súrý sapasyn arttyrý, ana men balany qorǵaý jónindegi aldymyzdaǵy maqsattardy eskere otyryp ózektendiriledi», - dedi ol.
Sonymen qatar vıtse-mınıstr Prezıdent Joldaýyn aqparattyq qoldaý jumystaryna da toqtaldy.
«Joldaýdan keıin birden saraptamalyq qoldaý bastaldy. Qazirdiń ózinde Joldaýdyń negizgi baǵyttaryn túsindiretin 150-den astam spıker men sarapshy tartyldy. Kesheden beri barlyq BAQ-ta jáne áleýmettik jelilerde myńnan astam materıal jaryq kórdi. Bul baǵyttaǵy jumys odan ary jandanatyn bolady. Jekelegen medıa jospar daıyndalady», - dedi Serik Egizbaev.
