Otbasylyq qundylyqtardy nasıhattaıtyn balalar fılmi túsiriledi
ASTANA. QazAqparat - Balalarǵa otbasylyq qundylyqtardy nasıhattaıtyn otandyq fılm túsiriledi. Bul týraly QR Prezıdentiniń janyndaǵy áıelder isteri jáne otbasylyq-demografııalyq saıasat jónindegi ulttyq komıssııa tóraǵasynyń orynbasary Lázzat Súleımen QazAqparat tilshisine bergen suhbatynda málim etti.
«Aldaǵy jyly memleket qarajatynan balalarǵa arnalǵan otbasylyq qundylyqtardy nasıhattaıtyn fılmderdi túsirý qolǵa alynady. Búginde atalǵan joba boıynsha elimizge belgili kınorejısserler Aqan Sataev, Tımýr Bekmambetov jáne Ermek Tursynovpen kelisimder jasalý ústinde. Maqsaty - fılm arqyly balalar men jastarǵa ulttyq jáne otbasylyq qundylyqtardy dáripteý», - dedi Lázzat Súleımen.
Onyń aıtýynsha, balalarǵa arnalǵan fılmderdiń alǵashqysy kelesi jyly jańa jyl qarsańynda elimizdiń barlyq óńirinde kórsetiletin bolady.
«Memleket qarjysynan bólek, atalǵan jobaǵa jeke kásipkerler men ınvestorlar tartylatyn bolady. Sol sııaqty bul aldaǵy jyldary turaqty túrde júzege asyrylady. ıAǵnı bir fılm túsirýmen sharýa bitpeıdi. Odan bólek, fılmniń mazmunyna erekshe mán beretin bolamyz, óıtkeni kınotýyndy aldymen tárbıe quraly bolýy tıis», - dedi ol.
Buǵan deıin habarlaǵanymyzdaı búgin Astanada turmysy tómen otbasylardyń balalary, erekshe kútimdi talap etetin jáne balalar úıiniń tárbıelenýshilerine fılm tegin kórsetildi.
