«Otbasylyq keńes berý» grantynyń arqasynda 27 sýıtsıdtiń aldy alyndy - Abaev

NUR-SULTAN. QazAqparat - «Otbasylyq keńes berý» grantynyń arqasynda 27 sýıtsıdtiń aldy alyndy. Bul týraly búgin Májilistegi Úkimet saǵatynda QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.

«Granttyq qoldaý azamattyq qoǵam ınstıtýttaryn nyǵaıtýdyń mańyzdy quraly bolyp qala beredi. Bıyl jastarǵa qoldaý kórsetýge baǵyttalǵan 2,8 mlrd teńgege 56 granttyq joba júzege asyryldy. Áleýmettik jobalardyń tikeleı oryndaýshylary 44 úkimettik emes uıym boldy. Olar búkil el boıynsha 1150 úkimettik emes uıymdy jumysqa tartty. Osylaısha, biz jastar úkimettik emes uıymdarynyń qarjylyq turaqtylyǵyn damytýǵa jáne olardyń azamattyq bastamalaryn keńeıtýge yqpal etemiz», - dedi D.Abaev.

Máselen, onyń dereginshe, «Otbasylyq keńes berý» granty aıasynda 9 óńirde resýrstyq qoldaý áleýmettik qyzmetteriniń jumystary uıymdastyrylǵan.

«Olar birinshiden, júzdegen otbasyna qujattardy rásimdeý jáne járdemaqy alý boıynsha kómek kórsetti. Ekinshiden, 27 sýıtsıdtiń, úshinshiden, 38 ajyrasýdyń aldyn aldy. Oǵan qosa, ajyrasqan 29 otbasynyń qaıta qosylýyna kómektesti jáne odan da basqa kóptegen jumystar atqardy», - dedi ol.