Otbasylyq forým: áleýmettik kómek kórsetýdiń jańa sharalary
Іs-shara kelesi baǵyttardy qamtydy: «Otbasy qundylyqtaryn nasıhattaý jáne otbasyn damytý», «Otbasy - qoǵamnyń negizi» jáne «Otbasy qaýipsizdigi».
Barlyq qatysýshylardy qarsy ala otyryp, qala ákiminiń orynbasary Baqtııar Máken halyqty áleýmettik qoldaýǵa baǵyttalǵan jobalar týraly aıtyp berdi. Onyń aıtýynsha, qalalyq ákimdik «Januıa» otbasylyq ınstıtýtyn qoldaý ortalyǵyn qurý týraly sheshim qabyldady.
«Bul qurylymnyń qyzmeti ómirlik qıyn jaǵdaıǵa tap bolǵan otbasylarǵa kómektesýge baǵyttalǵan. Bilikti mamandar 7 baǵyt boıynsha keńes beredi: Open Space, densaýlyq saqtaý, bilim berý, qol jetimdi baspanamen qamtý, IKomek bazasynda Call-ortalyq, azamattardy áleýmettendirý baǵdarlamasy» - dedi Máken.
Halyqtyń áleýmettik osal toptary ókilderiniń qajettilikterine toqtalǵan QR Parlamenti Májilisiniń depýtaty Irına Smırnova memleket barlyq muqtaj adamdarǵa kómek kórsetýge tyrysyp jatqandyǵyn aıtty. Onyń aıtýynsha, búginde turǵyn úı, bilim berý jáne medıtsınalyq qyzmetter salasynda kóptegen jumystar atqarylýda: turǵyn úı baǵdarlamalary júzege asyrylýda, oqytý granttary kóbirek bólinýde.
Aıta ketý kerek, shara aıasynda uıymdastyrýshylar otbasylardyń áleýmettik-ekonomıkalyq máselelerin sheshýge kómektesýge baǵyttalǵan aqparattyq-túsindirý jumystaryn júrgizdi.
Forýmǵa Qazaqstan Respýblıkasy Prezıdentiniń keńesshisi Maqsat Sqaqov, Qazaqstan Respýblıkasy Eńbek jáne halyqty áleýmettik qorǵaý birinshi vıtse-mınıstri Erjan Jylqybaev, Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń músheleri, Qazaqstan Respýblıkasy Parlamenti Májilisiniń depýtattary, qoǵamdyq pen úkimettik emes uıymdar. jáne Nur-Sultan qalasynyń otbasylary da qatysty.
