Otbasy múshelerimen birge ýaqyt ótkizgen mańyzdy - The New York Times
ASTANA. QazAqparat - Búgingi tańda kóp adamnyń ýaqyt joq, qoly bos emes. Degenmen, otbasy berik bolý úshin ýaqytty birge ótkizip, betpe bet tildesken mańyzdy. The New York Times basylymynyń jazýynsha, buryn adamdar otbasylyq keshki asty birge iship, balalardy uıyqtatyp tastaǵan soń erli-zaıyptylar áńgimelesip, syrlasatyn bolǵan. Al qazir ýaqyt ózgergen.
«Qazirgi mádenıet adamdardy óte jumysbasty etip qoıdy. Eshkimniń bos ýaqyty joq. Tipti, eń jaqyn degen adamdarymyzǵa da ýaqyt tabý qıyn. Ata-analar men balalar ýaqytyn telefonǵa arnap, áleýmettik jelige kirip ketken. Degenmen, olar birge ýaqyt ótkizýdi bos áýre dep oılaıdy. Al jaqyndaryńmen ótken ýaqyt eshqashan bos ketken ýaqyt emes», dep jazady basylym.
«Otbasy músheleri únemi birge tamaqtanýy kerek. Demalys kúnderi birge syrttan tamaqtanýdy ádetke aınaldyrýǵa bolady. Sonymen qatar, uıqydan buryn bir saǵat elektrondy qurylǵylardy paıdalaný densaýlyqqa zııan ekeni belgili. Sol sebepti osy ýaqytty da otbasyńmen birge ótkizgen jón. Sondaı-aq, úı sharýasyn birge atqarýdyń da paıdasy zor. Mysaly, balalar anasyna as ázirleýge kómektese alady», deı kele avtor jaqyn adamdardyń tyǵyz baılanysy men qarym-qatynasy osyndaı kishigirim sátterde nyǵaıa túsetinin aıtady.
