Otbasy máselesine qatysty zertteý jumystaryn kóbeıtý qajet - Balaeva
«Otbasyn nyǵaıtý, demografııa jáne genderlik máseleler taqyryptary boıynsha doktorlyq dıssertatsııa jumystaryn keńeıtý asa mańyzdy. Osy taqyryptar boıynsha biren-saran adam qorǵaıdy jáne biz úshin mamandandyrylǵan saraptamalyq ortany keńeıtý mańyzdy», - dedi ol Otbasy, demografııa jáne genderlik saıasat máseleleri jónindegi halyqaralyq ǵylymı konferentsııa barysynda.
Onyń atap ótýinshe, Qazaqstan úshin otbasy ınstıtýty memlekettiń mańyzdy tiregi sanalady jáne otbasy saıasaty Ulttyq damý strategııasynyń ajyramas bóligi.
«Úkimetke jyl saıyn ana men balany qorǵaý jáne otbasynyń ál-aýqaty salasyndaǵy zańnamalyq jáne ınstıtýtsıonaldyq múmkindikterdi keńeıtý mindetteri qoıylady. 2022 jyl Balalar jyly retinde atalyp ótip jatyr. Sondyqtan konferentsııanyń negizgi sessııalarynyń biri Qazaqstannyń osy saladaǵy úzdik tájirıbelerin tanystyrýǵa arnalǵan. Onyń ishinde ál-aýqat ındeksi ázirlendi jáne ony engizý protsesi júrip jatyr. Mekteptegi psıhologııalyq qyzmetterdiń qyzmeti úshin biryńǵaı erejeler jumys isteıdi. Óńirlerde bala quqyqtary jónindegi ýákilder taǵaıyndaldy. Bıyl Qazaqstanda otbasylyq jáne genderlik saıasatty damytýdyń 2030 jylǵa deıingi tujyrymdamasy ózektendirildi. Qorytyndysynda turmystyq zorlyq-zombylyqtyń aldyn alý jáne áıelderdiń rólin qamtamasyz etý jónindegi normatıvtik baza aıtarlyqtaı nyǵaıtyldy»,- dedi Aıda Balaeva.