Otbasy kúni: ShQO qutqarýshylarynyń balalary jer silkinisi kezinde qalaı áreket etetinin kórsetti

ÓSKEMEN. QazAqparat – Búgin elimizde atap ótilip jatqan Otbasy kúninde ár adamnyń tileıtini eń áýeli – otbasy músheleriniń qaýipsizdigi. Osy rette, ShQO TJD qutqarýshylary merekege oraı chellendj ótkizdi, dep habarlaıdy QazAqparat tilshisi.

Rıdder qalasyndaǵy №1 mamandandyrylǵan órt sóndirý bólimshesiniń komandıri Rýstam Konbaev óz balalaryna jer silkinisi kezindegi qalaı áreket etý kerektigin muqııat úıretken. Olar bul týraly vıdeo túsirip, chellendj bastady.

Mine, alǵashqy «dúmpýler» de sezildi. Uly birneshe sekýnd ishinde qaryndasyn ertip, úıde qaýipsiz oryndy taýyp, panalaıdy. Sodan soń qutqarýshylarǵa habarlasyp, kómekke shaqyrdy.

Órt sóndirýshi jubaıymen úsh bala tárbıelep otyr. Ákesi bala-shaǵasyna únemi qaýipsizdik erejelerin túsindirip, qaıtalap eskertip júredi.

Ekinshi rolıkti №14 órt sóndirý bólimshesiniń komandıri, azamattyq qorǵaý starshınasy Rınat Saǵıdýldınov túsirgen. Ol da bes jasar ulyna dabyldy estigennen keıin ne isteý kerektigin úıretti.

ShQO TJD baspasóz qyzmeti óńir jurtshylyǵyna únemi qaýipsizdik sharalaryn saqtaýǵa, tabıǵı apattar kezinde qalaı áreket etý kerektigin ózderi úırenip, balalaryna da túsindirý kerektigin eskertedi.