Otbasy kúni: ShQO-da kópbalaly áke qutqarýshy bolyp jumys isteıdi

ÓSKEMEN. QazAqparat – Shyǵys Qazaqstan oblysynda kópbalaly áke Tótenshe jaǵdaılar departamentinde qutqarýshy bolyp jumys isteıdi, dep habarlaıdy QazAqparat tilshisi.

Halyqaralyq otbasy kúnin barlyq elder 15 mamyrda atap ótedi. Bul merekeni BUU Bas assambleıasy 1993 jyldyń 20 qyrkúıeginde bekitken. Bundaǵy maqsat – kóptiń nazaryn qazirgi qoǵamdaǵy otbasy máselelerine aýdarý.

Seıilhanovtar otbasy ShQO Tótenshe jaǵdaılar departamentiniń eńbek ujymyndaǵy eń úlken otbasy. Olar bes bala tárbıelep otyr. Ekeýi ul, úsheýi qyz.

Kishisi Adına 2 jasta, úlken uly Erkebulan bıyl 14-ke tolǵan. Otbasy altynshy balasynyń dúnıege kelýin kútip otyr. Otaǵasy Áset Seıilhanov TJD ÓSjAQJQ mamandandyrylǵan jasaǵynyń bastyǵy bolyp eńbek etedi. Ol 2004 jyldan beri azamattardyń qaýipsizdigi úshin ter tógýde. Óz eńbek jolyn Jarma aýdanynyń Áýezov aýylynda qarapaıym órt sóndirýshi retinde bastaǵan.

«Ár adam úshin ómirdiń mańyzy - óz otbasy. Meniń januıam - meniń qýanyshym, baqytym. Ózim qyzmette júrgende joldasym Nurgúl bala tárbıesinde otyr. Men de kópbalaly otbasynan shyqqanmyn. Bala degen shańyraqtyń shattyǵy ǵoı. Barlyq jerlesterime osyndaı baqyt buıyrsyn deımin», - dedi Áset Seıilhanov.