Otbasy kúni merekesinde Astanadaǵy saýda oryndarynda jeńildikter jasalady
ASTANA. 4 qyrkúıek. QazAqparat - Otbasy kúnine oraı qalanyń barlyq iri saýda oryndarynda úlken jeńildikter jasalady. Astana qalasy Kásipkerlik jáne ónerkásip basqarmasy bıyl Qazaqstanda alǵash ret merekelenetin Otbasy kúnine oraı «Arzan baǵa» aktsııasyn ótkizedi. Bul týraly astana.kz saıtyna is-sharany uıymdastyrýshylar habarlady.
Aktsııa aıasynda elorda turǵyndary men qonaqtary úshin halyq tutynatyn taýarlarǵa aıtarlyqtaı jeńildikter jasalady. «Kóptegen saýda kásiporyndary jeńildikter jasaýdy ózderi usyndy. «Bir baǵaǵa eki zat alý», «úshinshisi syılyqqa» jáne t.b. aktsııalary keńinen tanymal»,- dep habarlady astana.kz saıtyna Astana qalasynyń Kásipkerlik jáne ónerkásip basqarmasynan. Uıymdastyrýshylardyń habarlaýynsha, 6, 7, 8 qyrkúıekte "GREEN", "METRO", "Astyqjan", " 5 mınýt", "Alma" saýda ortalyqtarynda jáne basqa da oıyn-saýyq ortalyqtarynda úlken jeńildikter jasalady.
