Otbasy qundylyqtaryn ilgeriletý jónindegi keshendi jospar ázirlenip jatyr
«Osy jyldyń 1 shildesinen bastap, Qylmystyq kodekske jáne Ákimshilik quqyq buzýshylyq týraly kodekske engizilgen túzetýler kúshine endi. Zańnamaǵa engizilgen bul ózgerister kýágerlerdiń aıǵaqtary men beınekameralardyń jazbalary negizinde jábirlenýshilerdiń málimdemesinsiz zorlyq-zombylyq jasaý faktisi boıynsha Ákimshilik quqyq buzýshylyq týraly isterdi qozǵaýǵa múmkindik beredi, taraptardyń qaıta tatýlasý múmkindigin boldyrmaıdy. Materıaldyq nemese ózge de táýeldiliktegi adamdarǵa qatysty turmystyq zorlyq-zombylyq úshin qylmystyq jáne ákimshilik jaýapkershilik kúsheıtildi», - dep atap ótedi Úkimet basshysy.
Álıhan Smaıylovtyń dereginshe, Oqý-aǵartý mınıstrligi balalardy zorlyq-zombylyqtan qorǵaý, sýıtsıdtiń aldyn alý, olardyń quqyqtary men ál-aýqatyn qamtamasyz etý jónindegi 2023-2025 jyldarǵa arnalǵan keshendi jospar ázirlep jatyr.
Atalǵan qujat jobasy balalardyń quqyǵy men múddesin jáne olardy zorlyq-zombylyqtan qorǵaýdy, sýıtsıdtiń aldyn alý jónindegi memlekettik saıasattyń basym baǵyttary boıynsha memlekettik organdardyń is-áreketteri men sharalaryn qamtıdy.
«Budan basqa, Memleket basshysynyń tapsyrmasyn oryndaý aıasynda Aqparat jáne qoǵamdyq damý mınıstrligi Bas prokýratýra jáne Іshki isteri mınıstrligimen birlesip, turmystyq zorlyq-zombylyqtyń aldyn alý jónindegi saıasatty qaıta qaraý, áıelder men balalardyń quqyqtaryn qorǵaý jónindegi is-sharalardy zańnamalyq turǵydan kúsheıtý, sondaı-aq otbasylyq qundylyqtardy ilgeriletý jónindegi keshendi jospar ázirleýde. Zańnamalyq ózgeristerdiń ishinde agressordy zorlyq-zombylyq obektisinen oqshaýlaýdy, ashýdy basqarý boıynsha mindetti psıhologııalyq kýrstardy engizýdi, shalǵaıdaǵy eldi mekenderdegi qurbandarǵa kómek kórsetý úshin mobıldi toptardyń mártebesin normatıvtik retteý qarastyrylýda», - dedi Premer-Mınıstr.
