Otbasy fest: elordada jas otbasylar baspanaly boldy
ASTANA. KAZINFORM — Astanada «Otbasy bank» AQ uıymdastyrýymen turǵyn úı festıvali ótti.
Ótken senbide elorda turǵyndary men qonaqtary EKSPO aýmaǵyndaǵy alańǵa jınaldy. Ol jerde baspana festıvali ótti. Іs-shara barysynda Otbasy bankiniń «Naýryz» turǵyn úı baǵdarlamasyna qatysyp, baǵy janǵan jas otbasylarǵa páter kilti tabys etildi.
— Búgin elordalyq salymshylarǵa saltanatty túrde páter kiltin tabystap jatyrmyz. Bizdiń banktiń el boıynsha 3 mln-ǵa jýyq salymshysy bar, tek elordanyń ózinde 285 myńnan astam turaqty salymshymyz bar. Astanada 73 myń januıa «Otbasy bank» arqyly baspanaly boldy, astanalyqtar kúnine 70 páterge deıin alyp jatady. Memleket basshysynyń tapsyrmasymen qolǵa alynǵan «Naýryz» turǵyn úı baǵdarlamasy jáne sonyń bir bóligi bolyp tabylatyn «Naýryz Jumysker» baǵyty jalǵasady. Búgin kýá bolyp otyrsyzdar, 5 elordalyq otbasyǵa kópten kútken páter kiltin tabystadyq, — dedi «Otbasy bank» AQ basqarma tóraǵasy Lázzat Ibragımova saltanatty shara barysynda.
Otbasy bank basshysynyń aıtýynsha, baspanaly bolyp jatqan otbasylar páter qunynyń 20 paıyzyn alǵashqy jarna túrinde bank esepshotyna quıǵan.
— Osy oraıda bizdiń seriktes qurylys kompanııalaryna alǵys aıtamyn. Bıyl «Naýryz» turǵyn úı baǵdarlamasy aıasynda 10 myńǵa jýyq qazaqstandyq otbasy baspanaly bolady, jalpy barlyq baǵdarlama jalǵasyn tabady. Sol úshin de alǵashqy jarnany búginnen qalmaı jınaı berý kerek, sizdiń depozıtke salǵan ár teńge bolashaq armanyńyzdaǵy úıdiń negizi. Al Astanada óz páterińizdiń bolýy, ol kóptiń armany. Buǵan deıin búgingideı «Otbasy fest» Shymkent qalasynda ótti, aldaǵy ýaqytta basqa da qalalarda uıymdastyratyn bolamyz. Aldaǵy ýaqytta biz azamattardyń ártúrli sanattaryna arnalǵan baǵdarlamalardy damytýdy josparlap otyrmyz, ásirese kópbalaly otbasylar men múmkindigi shekteýli jandarǵa basa nazar aýdaramyz. Qyrkúıek aıynan bastap biz Astanada birqatar semınarlar ótkizýdi josparlap otyrmyz, onda árbir turǵyn úı kesheni mysalynda páterlerdiń naqty qalaı bólinetinin kórsetemiz. Biz barlyq protsesssderdiń ashyq bolýyn qalaımyz, adamdar baǵdarlamanyń artyqshylyqtaryn óz kózderimen kórýi tıis, — dedi ol.
Sondaı-aq basqarma tóraǵasy elimizde ıpotekaǵa suranys joǵary ekenin aıtyp otyr, málimdeýinshe elimizde jyl saıyn 400 myń sábı dúnıe esigin ashady. Ásirese, qazaqstandyqtar tarapynan «Naýryz» jáne «Naýryz jumysker» turǵyn úı baǵdarlamasyna qyzyǵýshylyq artqan.
— Basynda depozıt ashýǵa qoryqtyq, senbedik endi. Joldasym ekeýmiz táýekel dep, depozıt ashyp alǵashqy jarnany jınaýdy bastadyq. Únemdep júrip 2 mln teńge jarna jınadyq, sosyn «Naýryz» turǵyn úı baǵdarlamasyna qatysýǵa ótinim berdik. Ótinimdi maquldaǵanda qatty qýandyq, sebebi otbasymyzben qansha jyl boıy páter jaldap turyp kelemiz. 5 balam bar, kópbalaly anamyn. Búgin buıyryp, 3 bólmeli páter kiltin aldyq, otbasymyzben óte qýanyshtymyz, — dep aǵynan jaryldy baspanaly bolǵan elorda turǵyny Aqmaral Kýlıkova.
Baspanaly bolǵan kópbalaly ananyń sózinshe, turǵyn úı baǵdarlamasynyń sharty óte tıimdi.
— «Otbasy bankinde» depozıt ashyp, únemdep aqsha jınaý kerek. Bank qyzmetkerlerine kóp raqmet. Barlyq otbasy baspanaly bolýyn tileımin, — deıdi jańa páter ıesi.
Sonymen qatar Otbasy fest-ke otandyq qurylys kompanııalarynyń ókilderi qatysty, mamandar jınalǵan qaýymǵa turǵyn úı baǵdarlamalary, jańa salynyp jatqan úıler boıynsha tegin keńes berdi. Tipti, sol jerde Otbasy bankinde depozıt ashý múmkindigi boldy. Al festıvaldiń sońy kontserttik baǵdarlamaǵa jalǵasty.
Eske sala ketsek, bıyl naýryz aıynda Otbasy bankinde «Naýryz» baǵdarlamasynyń ekinshi kezeńi iske qosyldy.
Sondaı-aq 17 naýryzda «Naýryz jumysker» baǵdarlamasyna ótinim qabyldaý bastaldy.