Otbasy bank salymshylaryna depozıtteri boıynsha ótemaqy qashan túsedi

ASTANA. QazAqparat – 2022 jyldyń 23 aqpanyndaǵy jaǵdaı boıynsha, bankte 20 mln teńge ótemaqy alatyn 3 080 depozıt bar. Bul týraly QazAqparat Otbasy banktiń («Báıterek» holdınginiń enshiles uıymy) baspasóz qyzmetine silteme jasap habarlaıdy.

Búginde klıentterden jalpy somasy 116 mlrd teńgege 914 526 ótinish qabyldady. Ótemaqy salymshylardyń depozıtterine 23 aqpannan keıin, bankke ótemaqy tóleýge arnalǵan qarajat túsken sátten bastap, 2 jumys kúni ishinde aýdarylady.

Bank depozıtterinde jınaqtalǵan qarajat kólemi boıynsha eń joǵary soma – 52,9 mln teńge. Ótemaqy tólemderiniń erejesine sáıkes, 20 mln teńgeden aspaıtyn salym somasyna 10% kóleminde ótemaqy esepteledi. Jalpy, 2022 jyldyń 23 aqpanyndaǵy jaǵdaı boıynsha, bankte 20 mln teńge ótemaqy alatyn 3 080 depozıt bar.

«Otbasy bankiniń salymshylar qory jyl saıyn artyp keledi, qazir bizge 2,5 mln qazaqstandyq senim artyp otyr. Jyl saıyn bank 600 myńnan astam depozıt ashyp, 80 myńǵa jýyq nesıe beredi», - dedi «Otbasy bank» AQ Basqarma tóraǵasynyń orynbasary Nurlan Aqshanov.