Otbasynyń kirisi men shyǵysy esepteledi: AÁK jańa tártippen taǵaıyndalady
ASTANA. KAZINFORM — 2025 jylǵy 16 maýsymnan bastap Qazaqstanda ataýly áleýmettik kómek (AÁK) taǵaıyndaý men tóleýdiń jańartylǵan qaǵıdalary kúshine enedi.
Tıisti buıryqqa Eńbek jáne halyqty áleýmettik qorǵaý mınıstri bıyl 30 mamyrda qol qoıdy.
Jańashyldyqtyń maqsaty — júıeni dálirek ári ádil etý. Endi kómek taǵaıyndaý kezinde ótinish berýshiniń kirisimen qatar shyǵysy da eskeriledi. Mınıstrliktiń málimetine súıensek, atalǵan sharalar memlekettik qoldaýǵa muqtaj azamattardy anyqtap, kómekti naqty maqsatty topqa baǵyttaýǵa múmkindik beredi.
Ótinish berýshi men onyń otbasy músheleri týraly barlyq qajetti málimet elektrondyq úkimet arqyly avtomatty túrde suralady. Azamattyq mártebesi men tirkeý ornynan bastap kólik, jyljymaıtyn múlik, depozıtter, bank qaryzdary, eńbek nemese kásipkerlik qyzmetten túsetin kiristerge deıingi málimetter memlekettik organdardyń derekqorynan alynady. Tipti bank kartalary arqyly júrgizilgen shyǵyn da esepke alynady.
Sonymen qatar, asyraýyndaǵy jandardyń oqýy, eńbek etýi, alımenttiń taǵaıyndalýy, otbasy músheleriniń eńbekke jaramdylyǵy men biliktiligi de tekseriledi.
Vedomstvonyń aqparatynsha, atalǵan qadam áleýmettik kómekti tek muqtaj jandarǵa taǵaıyndaý úshin jasalyp otyr.
Eske salsaq, buǵan deıin ataýly áleýmettik kómekti taǵaıyndaý tártibi ózgeretini týraly habarlaǵan edik.