Otbasynyń ál-aýqaty qalaı anyqtalady
ASTANA. KAZINFORM — Qazaqstanda otbasylar men úı sharýashylyqtarynyń materıaldyq jaǵdaıyn baǵalaý kezinde olardyń ál-aýqatyn kórsetetin birneshe kórsetkish eskeriledi.
A sanatyna ál-aýqaty joǵary otbasylar, al B sanatyna aýqatty otbasylar jatady.
Sanatty anyqtaǵan kezde otbasynyń tabysy ǵana emes, jyljymaıtyn múlki, kóligi, kásibi, jer ýchaskeleri jáne basqa da aktıvteri eskeriledi.
Mysaly, A sanatyna ár otbasy múshesine shaqqandaǵy tabysy 7 kúnkóris mınımýmynan asatyn, úlken aýmaqty jyljymaıtyn múlki, lıýks sanatyndaǵy kóligi, bıznesi jáne basqa da aktıvteri bar otbasylar jatady.
Al B sanatyna ár adamǵa shaqqandaǵy tabysy 6-dan 7 kúnkóris mınımýmyna deıingi, jaıly baspanasy, premıým sanatyndaǵy kóligi, kásipkerlik qyzmeti jáne basqa da múlki bar otbasylar kiredi.
Alaıda osy belgilerdiń bireýiniń bolýy otbasy avtomatty túrde belgili bir sanatqa jatqyzylady degendi bildirmeıdi.
Otbasynyń ál-aýqaty Otbasynyń tsıfrlyq kartasy arqyly 50-den astam ólshem negizinde baǵalanady. Olardyń qatarynda tabys deńgeıi, jumyspen qamtylýy, múlki, nesıeleri jáne áleýmettik jaǵdaıy bar.
Sonymen qatar otbasynyń sanaty turaqty bolyp qalmaıdy. Ómirlik jaǵdaıy ózgerse, sanaty da qaıta qaralýy múmkin.
Aıta ketelik áleýmettik tólem qalaı ózgeredi: mınıstr muqtaj otbasylardy qoldaý tetigin túsindirgen edi.
