Otbasymen birge oqýǵa jıi tańdalatyn 10 kitap anyqtaldy
ASTANA. KAZINFORM – Elimizde kitap oqý mádenıetin damytýmen qatar, otbasymen birge kitap oqý dástúrin jańǵyrtýǵa da erekshe mán berilip keledi. Bul ıgi úrdis urpaqtar arasyndaǵy baılanysty nyǵaıtyp, balanyń boıyna kitapqa degen súıispenshilikti darytyp qana qoımaı, otbasy múshelerin ortaq qundylyq tóńireginde biriktiredi.
2026 jyldyń alǵashqy jartyjyldyǵynyń qorytyndysy boıynsha barlyq býyn qyzyǵa oqıtyn 10 shyǵarma aıqyndaldy.
Mádenıet jáne aqparat mınıstrligi málimetinshe, tizim respýblıkalyq mańyzy bar úsh jáne óńirlerdegi 17 kitaphananyń málimeti negizinde jasaldy.
Shyǵarmalardyń tizimin Baýyrjan Momyshulynyń «Ushqan uıa» eńbegi bastaıdy. Bul týyndyny 13 kitaphana eń kóp oqylatyn kitaptardyń qataryna engizgen. Shyǵarmada otbasy tárbıesi, úlkenge qurmet, ulttyq salt-dástúr men rýhanı qundylyqtar keńinen kórinis tapqan. Sondyqtan ol búgingi kúni de ár býyn oqyrman úshin taǵylymy mol týyndy retinde baǵalanyp keledi.
Jınaqtalǵan málimet elimizde kóbine balalyq shaq, el tarıhy, otbasy tárbıesi, ulttyq qundylyqtar men adamgershilik taqyryptaryn arqaý etken shyǵarmalarǵa qyzyǵýshylyq basym ekenin kórsetti.
Elimizde jas oqyrmandarǵa arnalǵan kitap qory 7 mıllıonnan asqanyn jazǵan edik.
