Otbasylyq zorlyq-zombylyq týraly shaǵymdardyń 10 paıyzy áıelderdiń ústinen túsedi - ІІM

Іshki ister mınıstriniń orynbasary Igor Lepeha otbasylyq zorlyq-zombylyq týraly shaǵymdardyń 10 paıyzy áıelderdiń ústinen túsetinin aıtty, dep habarlaıdy Kazinform agenttigi.

«Qazaqstanda agressor áıeliniń ústinen shaǵymdanatyn er adamdar bar ma?», - dep surady BAQ ókili Úkimet otyrysynan keıin ótken baspasóz konferentsııasynda.

Mınıstrdiń orynbasary ondaı jaıttar kezdesetinin aıtady.

«Árıne, biz buǵan shetin jaǵdaı sııaqty qaraımyz. Alaıda áıelderiniń ústinen shaǵymdanatyn erkekter de bar. Olardyń sany kóp emes, biraq túrli jaǵdaı bolady. Mysaly, balalarynyń ústinen shaǵymdanatyn ata-analar bar, kerisinshe keıde bala óz ata-anasyna shaǵymdanyp jatady. Otbasyndaǵy zorlyq-zombylyq boıynsha áıelderdiń ústinen túsetin shaǵymdar shamamen 10%», - dedi Igor Lepeha.