Otbasylyq kelispeýshiliktiń bárin turmystyq zorlyq-zombylyqqa jatqyzýǵa bolmaıdy - Baıan Ahataı

Otbasylyq kelispeýshiliktiń bárin turmystyq zorlyq-zombylyqqa jatqyzýǵa bolmaıdy. Mundaı pikirdi Qazaqstan halqy Assambleıasynyń «Analar» keńesi tóraǵasynyń orynbasary Baıan Ahataı bildirdi, dep habarlaıdy Kazinform.

«Áıel zatyna múldem qol kóterýge bolmaıdy. Degenmen, túrli jaǵdaı bolady. Qazaqstanda qandaı Daǵdarys ortalyǵy bolsa, solardyń barlyǵynda derlik boldyq. Sol kezderi bir-eki Daǵdarys ortalyǵynyń basshysy: «Myna áıelderdiń minezin kórgen kezde óziń uryp jibergiń keledi» degen edi. ıAǵnı, keı jaǵdaıda áıelderimiz de er adamdy májbúrleıdi. Er adamnyń sabyrlyǵy qanshalyqty ekenin bilmeımiz. Er adam da, áıel de nekege árbir sózi men isiniń arty nege shabatynyn túsinip, jaýapkershilikpen otyrýy tıis. Al kúndelikti otbasylyq kelispeýshiliktiń bárin turmystyq zorlyq-zombylyqqa jatqyza berýge bolmaıdy», - dedi Baıan Ahataı agenttik tilshisine bergen suhbatynda.

Onyń atap ótýinshe, adamnyń ar-namysyna tıetin nárseler únemi qaıtalanyp otyrmaýy qajet.

«Júıeli túrde qaıtalanatyn ar-namysqa tıetin sózder, boqtyq sózder qalypty jaǵdaı bolmaýy tıis. Máselen, ońtústikte anadan boqtaıdy. Bul qalypty jaǵdaı sııaqty. Ol qalypty jaǵdaı bolmaýy qajet. Ana degen qasıetti uǵym. Jabaıy qarym-qatynas túrleri kelmeske ketýi kerek. Ókinishke qaraı, qazirgi qoǵamda túrli oqys jaǵdaılar zorlyq-zombylyq saldarynan bolyp jatyr. 2022 jyldyń statıstıkasyna júginer bolsaq, 1 jyldyń ishinde 70 áıel turmystyq zorlyq-zombylyqtan baqılyq bolǵan. Sondyqtan biz tujyrymdamalyq zańnamalar shyqqanǵa deıin kez kelgen dabylǵa áreket etýge tıispiz. Bul mindetti de. Ótkeni onyń artynda adam taǵdyry tur. Tipti, jalǵan ne bolmashy nársege shalynǵan qońyraý bolsa da ol anyqtalýy qajet», - dedi keńes tóraǵasynyń orynbasary.

Aıta keteıik, elordada Ortalyq Azııa óńirinde áıelder men qyzdarǵa qatysty jasalatyn zorlyq-zombylyqtyń aldyn alýǵa er-azamattary jumyldyrý salasyndaǵy ulttyq áleýetti nyǵaıtýǵa baǵyttalǵan óńirlik semınar-trenıng ótip jatyr.