Otbasy músheleri Qazaqstannan pana tapqan gazalyq dáriger Nobel syılyǵyna usynyldy
ASTANA. KAZINFORM — Gaza sektoryndaǵy palestınalyq dáriger Hýsam Ábý Safııanyń beıbitshilik salasyndaǵy Nobel syılyǵyna usynylýy soǵys kezinde óz mindetterin atqarýdy jalǵastyrǵan medıtsına qyzmetkerleriniń erligin moıyndaý boldy, dep habarlaıdy Kazinform menshikti tilshisi.
Onyń kandıdatýrasyn usyný týraly bastama dárigerdiń erekshe batyldyǵy men adamgershiligin moıyndaǵan Nıderlandtyń Doctors for Gaza uıymyna tıesili. Onyń kandıdatýrasyn qoldaǵan petıtsııaǵa 40 myńnan astam adam qol qoıǵan.
Gaza sektoryndaǵy dáriger birneshe aıǵa sozylǵan qorshaý kezinde tózimdilik pen adamgershiliktiń sımvolyna aınaldy. Qorqytý men úzdiksiz atqylaýǵa qaramastan, ol patsıentterin tastap ketýden bas tartyp, 2024 jyldyń jeltoqsanynda Izraıl kúshteri tutqyndaǵanǵa deıin aýrýhanada qalyp otyrdy.
Qorǵaýshysynyń málimetinshe, doktor Ábý Safııa qazir Izraıl bıliginiń qolynda sotsyz jáne aýyr jaǵdaıda qamaýda otyr, bul onyń densaýlyǵyna keri áserin tıgizip otyr, dep habarlaıdy palestınalyq BAQ.
Eske sala ketsek, 2024 jyldyń qazan aıynda dárigerdiń 15 jasar uly Ibrahım Izraıl shabýyly kezinde qaza tapqan. Dáriger Hýsam soǵan qaramastan ustalǵanǵa deıin aýrýhanada jumysyn jalǵastyrdy.
BREAKING: Hero Doctor, Hussam Abu Sufiya has been nominated for the Nobel Peace Prize.
— ADAM (@AdameMedia) October 9, 2025
He’s a paediatrician and director of Kamal Adwan Hospital in Gaza and is currently being tortured and denied human rights by the scum state of Israel.
He is famous for his unwavering… pic.twitter.com/ZKY6EmhkPK
Quqyq qorǵaý uıymdarynyń málimetinshe, qaqtyǵys bastalǵannan beri sektorda 1600-dan astam medıtsına qyzmetkeri qaza tapty, taǵy júzdegen adam áli qamaýda otyr.
Doctors for Gaza bastamasy eýropalyq gýmanıtarlyq ortada keńinen qoldaý tapty. Nıderland jáne Norvegııadaǵy adam quqyqtaryn qorǵaý uıymdarynyń ókilderi doktor Ábý Safııany moıyndaý «ot astynda adamdardyń ómirin saqtap qalǵandardyń barlyǵyna yntymaq habary» bolatynyn atap ótti.
Francesca Albanese, Greta Thunberg, and Dr. Hussam Abu Safiya should be nominated for the 2025 Nobel Peace Prize for their tireless dedication to humanity. @FranceskAlbs @GretaThunberg pic.twitter.com/dCyjR8EH09
— 𝐌𝐚𝐥𝐜𝐨𝐥𝐦 (@Malcolm_Pal9) October 3, 2025
Dárigerdiń áıeli Albına Ábý Safııa men olardyń balalary — Qazaqstan azamattary. Olar tamyz aıynda Gaza sektorynan evakýatsııalanyp, qazir qaýipsiz jerde ornalasqan. Qazaqstan dáriger Ábý Safııanyń otbasyna baspana berip, olarǵa soǵys júrip jatqan Palestına anklavynan evakýatsııalaý kezinde gýmanıtarlyq kómek kórsetti.
Dárigerdiń taǵy bir uly Іlııas Ábý Safııa Kazinform tilshisine bergen suhbatynda ákesine berilýi múmkin nomınatsııa — «tek otbasynyń ǵana emes, eń qıyn jaǵdaılarǵa qaramastan tózimdilik pen adamgershilik tanytqan barsha medıtsına qyzmetkeriniń maqtanyshy men alǵysy» ekenin atap ótti.
— Biz bul jańalyqty maqtanysh jáne aýyrtpalyqpen qabyldaımyz. Meniń ákem halyqaralyq deńgeıde moıyndalsa da, ol áli de túrmeniń qatal jaǵdaıynda ómir súrip otyr. Bul nomınatsııa onyń isine jáne negizsiz qamaýǵa alynǵan barlyq dárigerdiń taǵdyryna nazar aýdarady dep úmittenemiz, — dedi Іlııas.
Beıbitshilik salasyndaǵy Nobel syılyǵynyń laýreattary 10 qazan, juma kúni belgili bolady.
Bıyl Nobel syılyǵyna 338 úmitker usynyldy. Olardyń arasynda AQSh prezıdenti de bolýy múmkin.
Tramp beıbitshilik úshin Nobel syılyǵyn ala ma? Myna materıaldan oqı alasyz.