Otbasy men balany qorǵaý Konstıtýtsııanyń negizgi qaǵıdaty bolyp qala beredi — Dınara Zákıeva
ASTANA. KAZINFORM — Konstıtýtsııa jobasynda otbasy, neke, ata-ana men balany qorǵaý máseleleri burynǵydaı memlekettiń erekshe qamqorlyǵynda qalady. Bul týraly Bala quqyqtary jónindegi ýákil Dınara Zákıeva Konstıtýtsııalyq reformalar jónindegi komıssııanyń besinshi otyrysynda málimdedi.
Ýákildiń aıtýynsha, Konstıtýtsııa jobasynyń 27-babynda neke men otbasy, ana, áke jáne bala memlekettiń qorǵaýynda bolatyny bekitilgen. Sondaı-aq balalardy tárbıeleý ata-ananyń tabıǵı quqyǵy ári mindeti retinde belgilengen.
Sonymen qatar ol bul normalar tek deklaratsııa emes, memlekettik saıasat pen balalardyń quqyqtaryn qorǵaý salasyndaǵy praktıkalyq jumystyń negizi bolyp otyrǵanyn aıtady. Sońǵy bir jylda ǵana balalardyń qaýipsizdigin qamtamasyz etý maqsatynda 51 myńnan astam jaǵdaı tirkelip, memleket tarapynan quqyqtyq qorǵaý sharalary qabyldanǵan.
— Bul normalardyń eń basty mańyzy balalardyń ómirinde kórinis tabatyny. Árbir kórsetkishtiń artynda balanyń taǵdyry men otbasylardyń ómiri tur, — dedi Dınara Zákıeva.
Aıta keteıik, Konstıtýtsııada neke men otbasy qundylyqtary, sondaı-aq qorshaǵan ortany qorǵaý mindetteri jańa sıpatpen kúsheıtiletini aıtylǵan bolatyn.