«Otbasy bankindegi» jańa turǵyn úı kezegi júıesi: 3 kúnde 170 myńdaı ótinim túsken

ASTANA. KAZINFORM — Ónerkásip jáne qurylys mınıstri Ersaıyn Naǵaspaev 24 mamyrda iske qosylǵan baspana kezeginiń jańa júıesine qatysty túsinik berdi. 

— 24 mamyrdan bastap ózgeris engizildi. Endi «Otbasy bankinde» bir tereze ortalyǵy bar. Júıe iske qosylǵaly kóp ótken joq, sonda da odan beri 170 myńdaı ótinim kelip tústi, onyń 70 myńdaıy naqtylanyp, qabyldandy, — dedi mınıstr.

Sondaı-aq vedomstvo basshysy endi baspana kezegi tizimindegi adamdardyń sany artýy múmkin ekenin atap ótti.

— Buǵan deıin baspana alýǵa kezekke turǵan adamdar sany 650 myńdaı boldy. Sońǵy kúnderi, joǵaryda aıtqanymdaı, bul tizimge 70 myńdaı adam qosyldy. Jalpy baspanalardyń 70 paıyzy áleýmettik osal toptaǵy adamdar sanatyna beriledi. 30 paıyzy kezekke turǵan ýaqytyna qaraı qalǵan adamdarǵa beriledi, munda qosymsha taǵy birneshe krıterıı bar, — dedi Ersaıyn Naǵaspaev.

Málimetke saı, baspana berilerde eki jaǵdaıǵa basymdyq beriledi: úmitkerdiń tabysy men kezekke turǵan ýaqyty. Tabysy tómen adamdarǵa keıin jekeshelendirý quqyǵymen arendalyq baspana beriledi.

Aıta ketelik muqtaj jandarǵa baspana bólý nelikten ákimdikten «Otbasy bankke» ótkeni týraly jazǵan edik.