Otbasy bankinde kezekte turǵan 350 myń azamat 10 jylda baspanaly bolady
ASTANA. KAZINFORM – Bıyl «Otbasy» bankinde kezekte turǵan 25 myń azamat baspanaly bolady. Bul týraly «Otbasy bank» AQ basqarma tóraǵasy Lázzat Ibragımova aıtty.
– Bizde kezekte turǵan 395 myń azamattyń qujattaryn aldyq. Olar túgendeýden ótip, 350 myń azamattyń derekterin aqparattyq bazadan tekserdik. Ótken jyly 19 850 páter berildi. Bizdiń josparymyz boıynsha bıyl kezekte turǵan 25 myń otbasy baspanaly bolady. Kezekte turǵan 350 myń azamat 10 jyldyń ishinde baspanaly bolady dep senemiz, - dedi Lázzat Ibragımova Úkimet otyrysynan keıin.
Aıta keteıik, Premer-mınıstr Oljas Bektenov Májilis depýtattarynyń saýalyna bergen jaýabynda elimiz boıynsha 960 myń adam turǵyn úıge muqtaj ekenin atap ótken edi.
