Otbasy Bank ulttyq damý ınstıtýty bolyp qaıta qurylady - mınıstr
«Otbasy bankine» oǵan azamattardy esepke qoıý men turǵyn úı bólý jónindegi jergilikti atqarýshy organdardyń fýnktsııalary beriledi. Bul týraly Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine turǵyn úı saıasatyn reformalaý máseleleri boıynsha ózgerister men tolyqtyrýlar engizý týraly» zań jobasyn talqylaý kezinde Ónerkásip jáne qurylys mınıstri Qanat Sharlapaev aıtty, dep habarlaıdy Kazinform.
«Qazir qoldanystaǵy zańnama boıynsha jergilikti atqarýshy organdar turǵyn úıge esepke qoıý jáne ony júrgizý, sondaı-aq turǵyn úıdi bólý ári berý boıynsha fýnktsııalardy júzege asyrady. Zań jobasy aıasynda bul fýnktsııalardy Otbasy bankine berý usynylǵan. Bul rette azamattardy turǵyn úımen qamtamasyz etý jergilikti atqarýshy organdardyń quzyretinde qalady. Ony turǵyn úı salý jáne satyp alý arqyly iske asyratyn bolady. Osyǵan baılanysty Otbasy bankin ulttyq damý ınstıtýtyna aınaldyrý kózdelip otyr», - dedi Ónerkásip jáne qurylys mınıstri Qanat Sharlapaev.
Onyń aıtýynsha, «Otbasy Bank» beriletin fýnktsııalardy ortalyqtandyrylǵan túrde júzege asyrady.
