Otbasy bank qosymshasy men enpf-otbasy portaly ýaqytsha istemeı tur
ASTANA. KAZINFORM – Otbasy bank óz júıesindegi aqaýlarǵa resmı túsinikteme berdi.
- Qazirgi ýaqytta banktik servıster boıynsha tehnıkalyq jumystar júrgizilýde. Bul protsess josparlanǵannan uzaǵyraq ýaqytty aldy.
Ókinishke qaraı, ýaqytsha túrde bank bólimshelerinde, Baspana market platformasynda jáne mobıldi qosymshada operatsııalar qoljetimsiz.
Sondaı-aq baılanys ortalyǵy ýaqytsha jumys istemeıdi, - dep jazady banktyń resmı saıty.
Resmı málimette bank mamandary barlyq júıeler men bank operatsııalaryn múmkindiginshe tezirek qalypty rejımde jumys istetýge kúsh salyp jatqany aıtylǵan.
- Túsinistik tanytqandaryńyz úshin raqmet jáne ýaqytsha qolaısyzdyqtar úshin keshirim suraımyz, - delingen habarlamada.
«Otbasy bank» mobıldik qosymshasynan bólek BJZQ-daǵy jetkiliktilik sheginen artylǵan aqshany emdelý men turǵyn úıge baǵyttaý operatsııasyn rásimdeıtin enpf-otbasy portaly da istemeı tur.
Aıta keteıik, byltyr Otbasy bankte 1 mıllıon depozıt ashyldy.
